Velkomin á heimasíðu Margrétar, Stefáns og Brúsks.
Við búum í augnablikinu í Bergen og höfum búið hér í Noregi síðan 2002, fyrst í Osló en í Bergen síðan um áramótin 2002-3. Hérna í Bergen er margt eins og maður er vanur að heiman, snjókoma, slydda, sól, rok og rigning, allt sama daginn.
Annars vinnur Margrét á læknastofu og er í sérnámi í heimilslækningum, Stefán vinnur við hugbúnað og Brúskur (hundurinn okkar) hugsar aðallega um að fá sér í svanginn.
 |
|
3/5/2005 - Ferming í Suður-Noregi
Sigurður Árni, hálfbróðir Margrétar á fjölskyldu við Grimstad á
suðurodda Noregs. Við skruppum í fermingu hjá syni Sigurðar Árna nú
í vor og stoppuðum í Harðangursfirði á leiðinni. Þetta var
skemtileg ferð, bæði að hitta Sigurð Árna og fjölskyldu fyrsta skipti í
mjög langan tíma og einnig var ferðin í Harðangursfjörð og yfir
Haukelifjallið og Setersdalinn spennandi og við fengum sól og rjómablíðu
allan tímann. Sjá myndir á myndasíðu.
3/5/2005 - Nýtt símanúmer
Hérna í Noregi gengur illa hjá Telenor og hagnaðurinn var bara 5
milljarðar NOK fyrstu þrjá mánuði ársins. Þetta skýra símamenn
með aukningu í notkun breiðbandssíma í stað gamaldags fastlínu.
Okkur finnst eins og svo mörgum öðrum lítil ástæða til að borga 5-10.000
íslenskar á mánuði fyrir fastlínusíma með skrefatalningu, þegar hægt er
að fá sambærilegan breiðbanssíma fyrir rúman þúsundkall.
Svo við erum sem sagt komin með breiðbandssíma og nýtt símanúmer:
Stefán og Margrét Bergen: 0047-53504821.
Með breiðbandssímananum er hægt að tala ótakmarkað milli landa án þess að borga aukaskref. Því er það engin afsökun lengur að símtölin heim séu alltof dýr :-)
20/2/2005 - Sól !
Eftir ótrúlegan rignarkafla (meira að segja á Bergenskan mælikvarða)
hefur nú sést til sólar í Bergen. Menn ráku upp stór augu þegar
gulu fyrirbæri sást bregða við bláan austurhimininn nú á mánudaginn
var. Þetta var fyrsta sólarglennan í Bergen árið 2005 (held ég...),
en síðan þá hefur satt best að segja verið hið ágætasta veður.
Við nýttum góða veðrið nú um helgina til útivistar og gengum m.a. Fjellveien sem er göngustígur sem liggur eftir Flöyen endilöngu, en Flöyen er það fjall sem liggur næst miðbænum hérna í Bergen. Myndin hér að neðan (fengin að láni hjá www.jonthorjoh.com) sýnir útsýnið frá hlíðum Flöyen og yfir miðborg Bergen.
20/2/2005 - Fleiri heimasíður
Nú er Olgeir bróðir í Hölen kominn með heimasíðu. Sjá www.ollicool.tk.
5/12/2004 - Rigning
Það rignir af og til í Bergen. Eftir ágætan kafla með snjó og
jólastemmingu hefur verið blautt undanfarið. Eftir að hafa verið með
annan fótinn í Bergen í næstum 2 ár héldum við að við værum orðin
flestu vön....en úrkoman síðustu daga hefur verið hreint ótrúleg.
Bara síðasta sólarhringinn hefur rignt 90 mm, en til samanburðar er
ársúrkoman í Reykjavík um 800 mm.
5/12/2004 - Tenglar
Fleiri og fleiri eru komnir með sína eigin heimasíðu á netinu.
Hérna er tenglar hjá nokkrum kunningjum sem hafa sett upp síðu nýlega:
Þorsteinn Valdimarsson í Hölen í Noregi
Jón Þór Jóhannsson í Bergen
Jens og Kristín í Kína að ættleiða litla stúlku
5/12/2004 - Jólastemming
Hvert staður hefur sína jólasiði. Hérna í Bergen er m.a. byggt (heimsins
stærsta) piparkökuhúsaþorp. Börn í leikskólum í allri Bergen eyða
haustinu í að búa til piparkökuhús, sem svo eru til sýnis í einni af
verslunarmiðstöðvunum.
Annar jólasiður er að laugardaginn fyrir upphaf aðventu er kveikt á jólatrénu í miðbænum og einnig er kveikt á kyndlum og athöfninni lýkur með mikilli flugeldasýningu. Í þetta skipti rigndi aðeins á meðan kveikt var á jólatrénu :).
5/12/2004 - Fallegt haust
Haustið í Bergen hefur verið fallegt (þegar sést hefur útúr augum
fyrir rigningu). Það hafa bæði verið góðir sólardagar og svo var
líka snjór í um vikutíma í nóvember. Við fórum líka í góða
haustferð í sumarbústað við Hemsedal í lok október og var þar kominn
vetur.
17/7/2004 - Queen Mary 2 í heimsókn
Stærsta skemmtiferðaskip í heimi, Queen
Mary 2 var í heimsókn í Bergen í dag. Skipið er 151.000 tonn,
yfir 300 metra langt, tekur 2.600 farþega og er knúið áfram af 157.000
hestafla gastúrbínum. Sjá myndasíðu.
17/7//2004 - Fjöllin í kringum Bergen
Einn af plúsunum við að búa hérna í Noregi eru góðir möguleikar til
útivistar. Helstu útivistarsvæðin hérna í Bergen eru "Byfjellen",
þ.e. hin 7 fjöll sem umlykja bæinn á 3 vegu. Á
myndasíðu er að finna nokkrar myndir af "fjallaferðum" okkur
í Bergen.
31/5/2004 - Myndir frá Bergen
Hérna eru nokkrar nýjar myndir frá Bergen. Við höfum ekki verið
dugleg að uppfæra heimasíðuna undanfarið, en það er á stefnuskránni að
bæta úr því í sumar. Annars rigndi næstum stanslaust í 4 mánuði
eftir að við fluttum hingað um áramótin, en síðustu daga hefur ástandið
heldur færst til betri vegar og hitinn er yfir 20 gráður. Við búum
stutt frá sumarbústað Haraldar konungs og þegar hann er ekki í bænum er
hallargarðurinn fullur af fólki sem sleikir sólina, nýtur lífsins og baðar
sig. Myndir frá Bergen.
30/1/2004 - Bergen
Jæja, nú erum við flutt frá Osló til Bergen. Þetta er ágætt
hérna, að minnsta kosti er veðurfarið kunnuglegt :-). Við búum í
Paradís uþb. 10 mínútur frá miðbæ Bergen og næstu nágrannar okkar eru
villisvín, hani (sem galar allan daginn), nokkrir hestar og svo kóngurinn.
Reyndar er kóngsi sjaldan heima svo við höfum ekkert séð hann, hann er
víst eitthvað lasinn núna og dvelur að mestu leyti í Osló.
This page was last updated on 14-08-2006.
Contact: stefan@bruskur.com